Մամուլի տեսություն
«Հրապարակ». «Արդյոք Ծառուկյանը մինչեւ վերջ կգնա՞, մենք կասկածներ ունենք»
«Հրապարակ». «Արդյոք Ծառուկյանը մինչեւ վերջ կգնա՞, մենք կասկածներ ունենք» 12/06/2020 09:29

«Հրապարակ». «Արդյոք Ծառուկյանը մինչեւ վերջ կգնա՞, մենք կասկածներ ունենք»

«Հրապարակ» թերթը գրում է. «Հետեւո՞ւմ եք Ծառուկյանի շուրջ զարգացումներին, խանդով չե՞ք վերաբերվում, որ նա «խոդ կանյոմ» արեց, ներքաղաքական նոր իրավիճակ ստեղծեց՝ հարցրինք ԼՀԿ ներկայացուցիչ Դավիթ Խաժակյանին։

«Իհարկե` ոչ, բոլոր քաղաքական ուժերն էլ այս օրերին դիրքավորումների մեջ են, որի ակտիվ փուլը կսկսվի կորոնավիրուսի ավարտից հետո։ Գագիկ Ծառուկյանը, այո, քաղաքական սուր հայտարարություններ արեց, սակայն խիստ անհասցե»:

Ո՞ւմ հասցեագրեր։ «Պետք է շատ հստակ ու պարզ ասեր` Նիկոլ Փաշինյանը պետք է հեռանա»: Դուք ասո՞ւմ եք. հակառակը` ասել եք՝ Փաշինյանին անվստահություն չենք հայտնի։ «Մենք կարծում ենք, որ այդ պրոցեսը պետք է սկսել համավարակից հետո։ Ասել ենք` անվստահություն չենք հայտնի, սակայն հավելել ենք, որ այս փուլում պատասխանատվություն իշխանություններն են կրում»:

Սպասում եք` կորոնավիրուսից մահերը հազարների հասնեն, բանը բանից անցնի` նո՞ր։ «Ոչ, բանը բանից անցնելու խնդիր չկա, քաղաքական պայքարը չի կարող լիարժեք լինել կորոնավիրուսի ու արտակարգ դրության պայմաններում»: Սպասում եք Ծառուկյանը Նիկոլին մաշի, դո՞ւք տիրանաք։ «Ոչ, հակառակը՝ որքան ընդդիմադիր բեւեռը հզոր լինի, այնքան` լավ, բայց արդյոք Ծառուկյանը մինչեւ վերջ կգնա՞, մենք կասկածներ ունենք. խորհրդարանի ծեծկռտուքից հետո իրենք որեւէ կերպ չարձագանքեցին»:

ԲՀԿ-ականները քանիցս անդրադարձան փաստին։ «Քաղաքական գնահատական չեղավ, որն էլ ենթադրել է տալիս, որ իրենց քաղաքական պայքարն այս անգամ եւս չի հասնի տրամաբանական հանգրվանի»: Դասական գործիչ Էդմոնը չի՞ հանդիպել Ծառուկյանի հետ։ «Ոչ»։ Կհանդիպի՞։ «Մեր օրակարգը հստակ է, եւ եթե դրա շուրջ Ծառուկյանը ցանկություն ունենա միավորվել, ինչո՞ւ ոչ»:

Եթե իրենք սկսեն անվստահության գործընթաց, չե՞ք մասնակցի։ «Զուտ թվաբանորեն՝ խորհրդարանում անվստահության գործընթաց չի կարող լինել. մեկ երրորդի խնդիր կա»: «Իմ քայլից» կպոկվեն` պրոցես է սկսվել։ «Մենք պատրաստակամ ենք քաղաքական պայքարը տանել մինչեւ վերջ, որովհետեւ այս իշխանությունը հեռացող է»:

Կհամաձայնե՞ք Ծառուկյան-վարչապետ կոնֆիգուրացիային։. «Մենք ունենք վարչապետի մեր թեկնածուն»: Էդմոն Մարուքյա՞նը։ «Էդմոն Մարուքյա՛ն»: Ի դեպ, մեր տեղեկությամբ, կոնսենսուսը հենց այս պատճառով չի կայանում»:

Առավել մանրամասն՝ թերթի այսօրվա համարում

Այլ հոդվածներ
Մահվան ելքով ավտովթար՝ Կոտայքի մարզում
Մահվան ելքով ավտովթար՝ Կոտայքի մարզում
Համացանցը ծաղրում է Արփի Դավոյանի քարոզարշավը
Համացանցը ծաղրում է Արփի Դավոյանի քարոզարշավը
«Հրապարակ»․ Գերիների հարազատները Միրզոյանի հետ հանդիպմանը մեղադրանքների տարափ են տեղացել իշխանությունների հասցեին, մեղադրել անկարող, ապաշնորհ լինելու, անվերջ ստելու համար
«Հրապարակ»․ Գերիների հարազատները Միրզոյանի հետ հանդիպմանը մեղադրանքների տարափ են տեղացել իշխանությունների հասցեին, մեղադրել անկարող, ապաշնորհ լինելու, անվերջ ստելու համար
«Հրապարակ»․ Գործող իշխանությանը ձայն տալը նույնն է, որ քվեարկես Ալիևի օգտին․ Լևոն Քոչարյան
«Հրապարակ»․ Գործող իշխանությանը ձայն տալը նույնն է, որ քվեարկես Ալիևի օգտին․ Լևոն Քոչարյան
«Հրապարակ»․ Սերժ Սարգսյանից վախեցած չենք, ես Ռոբերտ Քոչարյանից եմ վախեցած, որովհետև ինքը վախենալու մարդ է, ես էլ վախկոտ տղա եմ, վախկոտ գելխեղդ եմ․ Հովիկ Աղազարյան
«Հրապարակ»․ Սերժ Սարգսյանից վախեցած չենք, ես Ռոբերտ Քոչարյանից եմ վախեցած, որովհետև ինքը վախենալու մարդ է, ես էլ վախկոտ տղա եմ, վախկոտ գելխեղդ եմ․ Հովիկ Աղազարյան