Հայաստան
«Ավելի լավ, թող դիմակով լինեն՝ չեն ճանաչի նկարվելիս». վարչապետը կատակեց
«Ավելի լավ, թող դիմակով լինեն՝ չեն ճանաչի նկարվելիս». վարչապետը կատակեց 11/06/2020 13:03

«Ավելի լավ, թող դիմակով լինեն՝ չեն ճանաչի նկարվելիս». վարչապետը կատակեց

Դիմակ չկրելու խախտումն ո՞ւմ կողմից է արձանագրվում. կառավարության նիստում այս հարցի քննարկման ժամանակ պարետ Տիգրան Ավինյանը նշեց, որ դա ոստիկանությունն է արձանագրում:

Վարչապետ Նիկոլ Փաշինյանը հետաքրքրվեց, թե ավտոմեքենայի մեջ մեկից ավելի անձի առկայության պարագայում, պատասխանատվությունն ո՞ւմ վրա է՝ անձի՞, թե՞ վարորդի. ոստիկանապետն ասաց, որ վարորդի:

Վարչապետը հարց ուղղեց. «Եթե տեսախցիկը նկարեց, որ մեքենայում առանց դիմակի անձ կա, մեքենայի համարը գրվեց, ի՞նչ խնդիր կա. վարորդին տուգանում են դրա համար»: Արդարադատության նախարար Ռուստամ Բադասյանը նշեց, որ եթե անձին կոնկրետ ժամի, կոնկրետ վայրում տեսանկարահանում են, իր վերաբերյալ տեղեկություններ են հավաքում, դա անձնական տվյալների միանշանակ մշակում է, և հենց այդ համաչափությունը հաշվի առնելով՝ այնպիսի իրավախախտումներն են արձանագրվում, որոնք հնարավորինս քիչ անձնական տվյալների մշակում են ենթադրում: Ըստ Բադասյանի՝ կոնկրետ ժամի, կոնկրետ վայրում անձնական տվյալներ հավաքելը խնդրահարույց է: Վարչապետն արձագանքեց կատակելով. «Ավելի լավ, թող դիմակով լինեն՝ չեն ճանաչի նկարվելիս. ինչ հարաբերությունների մեջ էլ որ լինեն: Դա ևս մեկ խթան է, որպեսզի հակահամաճարակային կանոնները պահպանեն: Եթե մարդիկ մեքենայով տեղ են գնում և չեն ուզում, որ իրենց ճանաչեն, շատ լավ միջոց է կրել դեմքը ամուր փակող դիմակներ: Ապակիները մգեցնելու կարիք էլ չի լինի»,- ասաց նա:

Այդուհանդերձ, վարաչպետն առաջարկեց կարգավորումներում փոփոխություն անել՝ մեքենայում անձի դիմակ չկրելու պատասխանատվությունը դնելով միայն վարորդի վրա:

Այլ հոդվածներ
Ինձ լավ եմ զգում, ջերմությունս 36.6 է, 18 տարի է՝ չեմ հիվանդացել. Հրայր Թովմասյան
Ինձ լավ եմ զգում, ջերմությունս 36.6 է, 18 տարի է՝ չեմ հիվանդացել. Հրայր Թովմասյան
Անկախ նրանից` Գագիկ Ծառուկյանին կկալանավորեն, թե ոչ, հանրահավաք անելու ենք, և ընդդիմությունը հասնելու է հաջողության. Արսեն Բաբայան (տեսանյութ)
Անկախ նրանից` Գագիկ Ծառուկյանին կկալանավորեն, թե ոչ, հանրահավաք անելու ենք, և ընդդիմությունը հասնելու է հաջողության. Արսեն Բաբայան (տեսանյութ)
Արցախում գրանցվել է կորոնավիրուսով վարակվելու 10 նոր դեպք, վարակակիրների ընդհանուր թիվը 404 է
Արցախում գրանցվել է կորոնավիրուսով վարակվելու 10 նոր դեպք, վարակակիրների ընդհանուր թիվը 404 է
Այրվել է 10 բնակարան, որից 2-ը՝ մասնակի․ նոր մանրամասներ Արմավիրի Պտղունք համայնքում բռնկված հրդեհից (տեսանյութ)
Այրվել է 10 բնակարան, որից 2-ը՝ մասնակի․ նոր մանրամասներ Արմավիրի Պտղունք համայնքում բռնկված հրդեհից (տեսանյութ)
Գեորգի Ավետիսյանն ազատվել է ՍԱՏՄ ղեկավարի պաշտոնից
Գեորգի Ավետիսյանն ազատվել է ՍԱՏՄ ղեկավարի պաշտոնից