Հայաստան
Եղբորս այնպես էին ծեծել, որ անգամ ջուր չկարողացավ խմել. Կապանում բերման ենթարկվածի եղբայր. Tert.am
Եղբորս այնպես էին ծեծել, որ անգամ ջուր չկարողացավ խմել. Կապանում բերման ենթարկվածի եղբայր. Tert.am 25/05/2020 18:42

Եղբորս այնպես էին ծեծել, որ անգամ ջուր չկարողացավ խմել. Կապանում բերման ենթարկվածի եղբայր. Tert.am

Երեկ լուսադեմին քրեական գործի շրջանակում բերման էր ենթարկվել և ազատ արձակվել Քաջարանի բնակիչ Նվեր Խաչատրյանը: Tert.am-ի հետ զրույցում նրա  եղբայրը՝ Արման Խաչատրյանը, դեպքից մանրամասներ է պատմել:  

Նա ասաց, որ եղբայրն ունի թոքերի հիվանդություն և ոստիկանության ծառայողների կողմից բռնության է ենթարկվել, որի հետևանքով առողջական խնդիրները կարող են էլ ավելի սրվել, ավելի կոնկրետ շնչահեղձ կարող է լինել: Արման Խաչատրյանը պատմեց, որ եղբորն անհիմն են բերման ենթարկել: 

«Իմ եղբայրը քաղաքում հարգված մարդ է, օրինակելի տղա, ընտանիքի լավ հայր: Իմ եղբորը` Նվեր Խաչատրյանին, լրիվ անհիմն բերման են ենթարկել, ծեծել ու առողջությանը վնաս հասցրել, մենք շոկի մեջ էինք: Փորձում էինք հասկանալ՝ որտեղ է եղբայրս, մեզ տեղեկություն չէին տալիս: Անգամ մեր պաշտպաններին խոչընդոտում էին մտնել բաժանմունքներ և իրավական դաշտում ճշտել, թե ինչ հիմքով են տարել եղբորս: Նույնիսկ հայտարարել են, որ նման ձերբակալված մարդ չկա: Կես ժամ անց դուրս եկան ոստիկաններն ու ասացին՝ այո, սխալմամբ բերման են ենթարկել եղբորս: Այդպես էլ պիտի լիներ, նա օրինակելի մարդ է: Երբ դուրս եկավ, չէր կարողանում խոսել, շնչառական լուրջ խնդիրներ էին առաջացել: Մինչ այդ էլ նա սիստեմատիկ բուժում էր ստանում, բժշկի վերահսկողության տակ էր: Այնպես էին ծեծել, որ անգամ ջուր չկարողացավ խմել»,-ասաց Արման Խաչատրյանը:

Եղբայրը հայտնեց, որ Նվերը այս պահին Գորիս է գնացել, առողջական վիճակը ստուգելու նպատակով:
Տեսանյութը սկզբնաղբյուրում

Այլ հոդվածներ
«Հայաստանը ՓԲԸ չէ, Փաշինյանն էլ՝ դրա ղեկավարը». Արա Պապյան
«Հայաստանը ՓԲԸ չէ, Փաշինյանն էլ՝ դրա ղեկավարը». Արա Պապյան
Երևանում ապօրինի շինություններ են ապամոնտաժվել
Երևանում ապօրինի շինություններ են ապամոնտաժվել
Հաստատվել է 25-րդ հակաճգնաժամային ծրագիրը
Հաստատվել է 25-րդ հակաճգնաժամային ծրագիրը
Համացանցը ծաղրում է Լուկաշենկոյի գաղտնի երդմնակալությունը
Համացանցը ծաղրում է Լուկաշենկոյի գաղտնի երդմնակալությունը
Ուսումնական հաստատություններին վերաբերող որոշ կանոններ լրամշակվել են
Ուսումնական հաստատություններին վերաբերող որոշ կանոններ լրամշակվել են