Խմբագրական
Գլոբալ Կրեդիտը առաջարկում է վարկեր 446, 6525% սպասարկաման վճարով՝ ծուղակը գցելով մարդկանց
Գլոբալ Կրեդիտը առաջարկում է վարկեր 446, 6525% սպասարկաման վճարով՝ ծուղակը գցելով մարդկանց 20/05/2020 23:01

Գլոբալ Կրեդիտը առաջարկում է վարկեր 446, 6525% սպասարկաման վճարով՝ ծուղակը գցելով մարդկանց

Հայաստանում ամեն քայլափոխի թե՛ սոցիալական ցանցերում, թե՛ մայրաքաղաքում կարելի է հանդիպել տարբեր վարկային կազմակերպությունների գրավիչ գովազդների,  որոնք առաջարկում են ցածր տոկոսադրույքով վարկեր:

Իհարկե, ցածր տոկոսադրույք կամ անտոկոս վարկեր ասվածն իրականում այդպես չէ, խորությամբ ուսումնասիրելիս միայն կարելի է հասկանալ, թե ինչպես են այս կազմակերպությունները մտնում մարդկանց գրպաններն ու  բառիս ուղիղ իմաստով՝ թալանում քաղաքացիներին:

Քաղաքացիները ոչ բոլոր դեպքերում են մանրամասն ընթերցում և ծանոթանում այն վարկային պայմանագրերին, որոնք պատրաստվում են ստորագրել, և միայն ստորագրությունը դնելուց հետո են հասկանում՝  ինչ ծուղակի մեջ են հայտնվել:

Այսօր Andradardz.am-ը կանդրադառնա այդ կազմակերպություններից մեկին՝ «Գլոբալ Կրեդիտ» վարկային կազմակերպությանը: Կազմակերպությունն առաջարկում է տարեկան 0 տոկոս տոկոսադրույքով վարկ, բայց իրականում տոկոսադրույքը տարեկան կազմում է 180 տոկոս: Քայլ առ քայլ բացատրենք, թե քաղաքացին ինչպես է հայտնվում այս ծուղակում: Առաջին՝ վարկի սպասարկման համար ընկերությունը օրական գանձում է սպասարկման  գումար  0,5 % տոկոսի չափով, այսինքն, եթե դուք վարկ եք վերցրել 50 հազար դրամ, ապա օրական ձեր վարկի մայր գումարին գումարվում է՝ 0.5 տոկոսի չափով սպասարկման վճար: Երկրորդը՝ եթե ժամկետանց վճար կատարեք, ապա ձեր ամբողջ վարկային գումարի տույժը օրական կազմում է 0.3 տոկոս, իսկ ժամկետնանց տոկոսի տույժը 0.5 տոկոս և չենք մոռանում իհարկե առաջին կետում նշված 0.5 տոկոս սպասարկման վճարը:  Երրորդ՝ վարկային պայմանագրում նշված է, որ վարկի տրամադրման պահին փաստացի տարեկան տոկոսադրույքը կկազմի ՝ 446.652 տոկոս, որի մեջ ներառված են նաև վարկառուի վարկավորման հետ կապված ծախսերը, որը անփոփոխ է մինչև վարկի վերադարձման օրը:

Վարկային կազմակերպությունները տրամադրում են X գումար, բայց վարկի ամբողջական մարման դեպքում այդ գումարը մի քանի անգամ բազմապատկվում է և ահռելի թիվ է դառնում:

Գրավիչ այս առաջարկները, որոնք կատարում են վարկային կազմակերպությունները մեկ տասնյակից ավելի քաղաքացիների դնում են ծանր կացության մեջ, մարդիկ ամեն քայլի դիմում են, որպեսզի կարողանան պարտքերը մարել: Բազմիցս ենք ականատես եղել դեպքերի, երբ քաղաքացիները վարկերի պատճառով կամ ինքնասպան են եղել, կամ ինքնասպանության փորձ են կատարել:

Իհարկե առաջնահերթ քաղաքացիները պետք է աչալուրջ լինեն որևէ փաստաթղթի տակ ստորագրելիս, իսկ վարկային կազմակերպությունների խաբեություններով պետք է զբաղվեն իրավապահ մարմինները: Վստահ ենք՝ տասնյակ քաղաքացիներ հայտնվել են այս ծուղակում և հիմա ստիպված են մարում իրենց վարկային պարտավորությունները:

Այլ հոդվածներ
Տավուշում  երեխաներին չեն տարհանում, խուճապ չկա․ Արծրուն Հովհաննիսյան
Տավուշում երեխաներին չեն տարհանում, խուճապ չկա․ Արծրուն Հովհաննիսյան
Բերդում ամեն ինչ լավ է, խուճապ չկա․ Ադրբեջանական կողմը կրակ է բացել Բերդի ուղղությամբ․ մանրամասներ
Բերդում ամեն ինչ լավ է, խուճապ չկա․ Ադրբեջանական կողմը կրակ է բացել Բերդի ուղղությամբ․ մանրամասներ
Ադրբեջանցիները հարձակում են գործել  Andradardz.am-ի յութուբյան ալիքի վրա
Ադրբեջանցիները հարձակում են գործել Andradardz.am-ի յութուբյան ալիքի վրա
Դատարանը Գագիկ Ծառուկյանին կալանավորելու որոշում չի կայացրել
Դատարանը Գագիկ Ծառուկյանին կալանավորելու որոշում չի կայացրել
Այն ինչ ունեի ասելու մեր հարգարժան սփյուռքահայ հայրենակիցներին՝  ասել եմ․ Նաիրա Զոհրաբյան
Այն ինչ ունեի ասելու մեր հարգարժան սփյուռքահայ հայրենակիցներին՝ ասել եմ․ Նաիրա Զոհրաբյան