ՏՏ
5G ցանցերը կորոնավիրուսային համավարակի հետ կապող դավադրության տեսությունները ֆեյքային նորությունների ամենավատ տեսակն են
5G ցանցերը կորոնավիրուսային համավարակի հետ կապող դավադրության տեսությունները ֆեյքային նորությունների ամենավատ տեսակն են 22/04/2020 00:54

Դավադրության տեսությունները, որոնք 5G բջջային ցանցերը կապում են կորոնավիրուսային համավարակի հետ, անհիմն են եւ ազդում են առողջապահության ոլորտի հիմնական մասնագետների վրա, ասել է Vodafone- ի տեխնիկական տնօրեն Յոհան Վիբերը: «Սա իսկապես ֆեյքային նորությունների ամենավատ տեսակն է»,- CNBC-ին տված հարցազրույցում ասել է Վիբերը: Նման անհիմն հայտարարությունները մարդկանց հրահրել են հրդեհել բջջային կապի աշտարակները Մեծ Բրիտանիայում եւ Նիդեռլանդներում, ինչը բողոք է առաջացրել պաշտոնյաների եւ գիտնականների կողմից: Ըստ Վիբերի՝ երկուշաբթի Vodafone-ի 24 աշտարակներ հրդեհվել են չարագործների կողմից: Աշտարակներից մեկը ապահովում էր Անգլիայի Բիրմինհեմ քաղաքի նոր հիվանդանոցի կապը: «Դա իսկապես սարսափելի է,- ասել է Վիբերը,- Բժիշկները ցանկանում են խոսել իրենց ընտանիքի հետ, բայց նրանք չեն կարող որոշ ակիրթ մարդկանց պատճառով»: Դավադրության կեղծ տեսությունները հանգեցրել են նաեւ կապի ինժեներների վրա հարձակումների: Այս ամսվա սկզբին սոցցանցերում հայտնվել է մի տեսանյութ, որում կինը երկու աշխատողների հունից հանում է՝ պնդելով, որ 5G-ն կարող է սպանել մարդկանց: Մեծ Բրիտանիայում հայտնի մարդիկ, ինչպիսիք են հեռուստահաղորդավարուհի Իմոն Հոլմսը եւ տաղանդների շոուի դատավոր Ամանդա Հոլդենը, քննադատվել են նման տեսություններին վստահելու համար: Վերջերս Հոլմսը եւ ITV-ն նախազգուշացում են ստացել Ofcom-ից՝ «չմտածված» մեկնաբանությունների համար: This Morning-ի հաղորդավարը հայտարարել է, թե լրատվամիջոցները չպետք է հերքեն այն պնդումները, որ 5G-ն է տարածում վիրուսը: Ինչպես բջջային ցանցերի նախորդ սերունդները, 5G-ն օգտագործում է ռադիոհաղորդումներ, որոնք էլեկտրամագնիսական սպեկտրի մաս են կազմում: Մտավախություններ կային, որ այդ ճառագայթումը կարող է ազդել մարդկանց առողջության վրա: Սակայն բջջային ցանցերում օգտագործվող ռադիոալիքները իոնացնող չեն, ինչը նշանակում է, որ նրանք բավարար էներգիա չունեն էլեկտրոնները ատոմներից կամ մոլեկուլներից հանելու համար: Գիտնականները համաձայն են, որ 5G-ն անվտանգ է եւ չի կարող վնասել մարդկանց: Արդեն կան մտավախություններ, որ 5G-ի տեղակայումը Եվրոպայում կարող է հետաձգվել համաճարակի պատճառով, որը լրջորեն խափանել է մատակարարումների շղթան ամբողջ աշխարհում: Կարանտինով պայմանավորված ինտերնետ-թրաֆիքի աճի հետ մեկտեղ ցանցի օպերատորները նույնպես ստիպված կլինեն շարունակել սպասարկել կենսական ենթակառուցվածքի սպասարկումը: Պատասխանելով այն հարցին, թե սպասում է արդյոք ինքը, որ համավարակը եւ ճնշումների ուժեղացումը ցանցերի վրա կսահմանափակի 5G-ի տեղակայումը, Վիբերն ասել է, թե «մեր ցանցերն անթերի են աշխատում»: «Մենք նույն կերպ կշարունակենք 5G-ի տեղակայումը: Եկեք տեսնենք, թե ընդհանրապես, , պետք է որոշակի ճշգրտումներ կատարել՝ կախված տնտեսական կլիմայից: Սակայն այժմ մենք շարունակում ենք մեր ներդրումային ծրագիրը»,- հավելել է նա:

Այլ հոդվածներ
Ինչպես պարզել՝ արդյոք ձեր հեռախոսը գաղտնալսվում է, թե ոչ
Ինչպես պարզել՝ արդյոք ձեր հեռախոսը գաղտնալսվում է, թե ոչ
Հակաճգնաժամային 17 րդ ծրագիրը կաջակցի ՏՏ ոլորտին
Հակաճգնաժամային 17 րդ ծրագիրը կաջակցի ՏՏ ոլորտին
Հայտնի են ծանոթ մարդու գաղտնաբառը գտնելու հեշտ միջոցները
Հայտնի են ծանոթ մարդու գաղտնաբառը գտնելու հեշտ միջոցները
Ֆրանսիան Apple-ին մեղադրել է կորոնավիրուսի դեմ ուղղված ջանքերին խոչընդոտելու համար
Ֆրանսիան Apple-ին մեղադրել է կորոնավիրուսի դեմ ուղղված ջանքերին խոչընդոտելու համար
Հայկական Krisp ընկերությունն աշխարհում հեռահար աշխատանքի ծրագրերի առաջին հնգյակում է
Հայկական Krisp ընկերությունն աշխարհում հեռահար աշխատանքի ծրագրերի առաջին հնգյակում է