Տնտեսություն
Պետական աջակցություն` 3 մոդելի «խելացի» անասնաշենք կառուցելու համար
Պետական աջակցություն` 3 մոդելի «խելացի» անասնաշենք կառուցելու համար 27/03/20201

Փոքր և միջին «խելացի» անասնաշենքների ծրագրի հիմնական նպատակն է բարելավել կենդանիների պահվածքի պայմանները` արդյունքում բարձ­րացնելով կենդանիների մթերատվության ցուցանիշները։ Այս մասին հայտնեցին ՀՀ էկոնոմիկայի նախարարության տեղեկատվության և հասարակայնության հետ կապերի վարչությունից։

Պետականաջակցությանծրագրովնախատեսվածէ 3 մոդել: Շահառուները պետք է ընտրեն առաջարկվող 3 մոդելներից մեկը.

 1-ին մոդել՝  130-280 քառակուսի մետր արտադրական տարածքով, անկապ պահվածքով՝ առնվազն 10-15 գլուխ կենդանու համար։ Կառուցման և տեխնոլոգիական ապահովման համար ծախսերը գնահատվում են շուրջ 11 մլն ՀՀ դրամ, որից 5.5  մլնփոխհատուցում է պետությունը:

2-րդ մոդել՝ 281-450 քառակուսի մետր արտադրական տարածքով, անկապ պահվածքով՝ առնվազն 20-25 գլուխ կենդանու համար: Կառուցման և տեխնոլոգիական ապահովման համար ծախսերը գնահատվում են շուրջ 23 մլն ՀՀ դրամ, որից փոխհատուցումը կազմում է  11.5 մլն դրամ:

3-րդ մոդել՝ 451 և ավելի քառակուսի մետր արտադրական տարածքով, անկապ պահվածքով՝ առնվազն 40-45 գլուխ կենդանու համար: Կառուցման և տեխնոլոգիական ապահովման համար ծախսերը գնահատվում են շուրջ 35 մլն ՀՀ դրամ, իսկ փոխհատուցումը կազմում է 17.5 մլն դրամ:

Ծրագրովնախատեսվում են  արտոնություններ զինվորական ծառայության պարտականությունների կատարման ժամանակ մարտական հերթապահության կամ գործողությունների իրականացման արդյունքում հաշմանդամ դարձած քաղաքացիների և սոցիալական աջակցություն ստացող սահմանամերձ բնակավայրերում գործունեություն իրականացնող տնտեսվարողների համար: Արտոնյալ խմբերի համար պետության կողմից փոխհատուցումը կազմում է.1-ին մոդելի համար՝ 7.7 մլն դրամ,2-րդ մոդելի համար՝ 16.1 մլն դրամ, 3-րդ մոդելի համար՝ 24.5 մլն դրամ: 

Փոխհատուցման գումարը նախարարության կողմից փոխանցվում է դիմումատուի հաշվեհամարին երկու փուլով՝ առաջին փուլի փոխհատուցումը կատարվում է կառուցապատման/վերակառուցման աշխատանքներն ավարտելուց և առաջին փուլի մոնիթորինգի դրական եզրակացությունից հետո՝ 10-օրյա ժամկետում՝ փոխհատուցման գումարի 50%-ի չափով, իսկ մնացած 50%-ը տրամադրվում է անասնաշենքը տեխնոլոգիական սարքերով ապահովելուց, շահագործման հանձնելուց և երկրորդ փուլի մոնիթորինգի դրական եզրակացությունից հետո՝ 10-օրյա ժամկետում։

Հայաստանի ազգային ագրարային համալսարանի կողմից անցկացվող անասնաբուծության վարման վերաբերյալ 5-օրյա դասընթացը ծրագրից օգտվելու նախապայման է։

Այս պահի դրությամբ ծրագրից օգտվելու դիմում է ներկայացրել 231 տնտեսվարող, որոնցից 28-ի հետ կնքվել են պայմանգրեր:

Ծրագրի այլ մանրամասներին կարելի է ծանոթանալ ՀՀ էկոնոմիկայի նախարարության պաշտոնական կայքէջում`https://mineconomy.am/page/1342 հղումով կամ զանգահարել 011-52-37-78, 011-52-46-10 հեռախոսհամարներով:

Այլ հոդվածներ
Այսօր ամենամեծ ռիսկը առկա անորոշությունն է, սակայն ամենավատ սցենարների դեպքում էլ մենք կարծում ենք՝ ռիսկերը կառավարելի են. Հայաստանի բանկերի միության գործադիր տնօրեն
Այսօր ամենամեծ ռիսկը առկա անորոշությունն է, սակայն ամենավատ սցենարների դեպքում էլ մենք կարծում ենք՝ ռիսկերը կառավարելի են. Հայաստանի բանկերի միության գործադիր տնօրեն
Վարչապետը միտումնավո՞ր է ստում, թե՞ իր աշխատակազմն է սխալ տվյալներ մատակարարում. Անդրանիկ Թևանյան
Վարչապետը միտումնավո՞ր է ստում, թե՞ իր աշխատակազմն է սխալ տվյալներ մատակարարում. Անդրանիկ Թևանյան
Կենտրոնական բանկը վերաֆինանսավորման տոկոսադրույքը նվազեցրել է 0.25 տոկոսով՝ սահմանելով 5 տոկոս
Կենտրոնական բանկը վերաֆինանսավորման տոկոսադրույքը նվազեցրել է 0.25 տոկոսով՝ սահմանելով 5 տոկոս
1500 տոննա ապրանքային մնացորդը «մաքրելու» համար տնտեսավարողը ՀԴՄ-ով տպել է 97 մլն դրամի կեղծ կտրոն. ՊԵԿ-ը հորդորում է զերծ մնալ կեղծ կտրոնների արատավոր պրակտիկայից
1500 տոննա ապրանքային մնացորդը «մաքրելու» համար տնտեսավարողը ՀԴՄ-ով տպել է 97 մլն դրամի կեղծ կտրոն. ՊԵԿ-ը հորդորում է զերծ մնալ կեղծ կտրոնների արատավոր պրակտիկայից
ՀՀ Կենտրոնական բանկ. դրամի փոխարժեք և ոսկու գին
ՀՀ Կենտրոնական բանկ. դրամի փոխարժեք և ոսկու գին