Հայաստան
Կրակոցներն առավել ուժգին լսելի են եղել Կութ և Վերին Շորժա գյուղերի արոտավայրերում. ՄԻՊ
Կրակոցներն առավել ուժգին լսելի են եղել Կութ և Վերին Շորժա գյուղերի արոտավայրերում. ՄԻՊ 10/06/2021 23:20

Կրակոցներն առավել ուժգին լսելի են եղել Կութ և Վերին Շորժա գյուղերի արոտավայրերում. ՄԻՊ

ՀՀ ՄԻՊ Արման Թաթոյանը ֆեյսբուքյան իր էջում տեղեկացնում է․ «2021 թվականի հունիսի 10-ին (այսօր)` ժամը 16:30-ի սահմաններում ադրբեջանական զինված ուժերը սկսել են կրակել Գեղարքունիքի մարզի Վերին Շորժա և Կութ գյուղերի հարևանությամբ: Կրակոցները դադարել են միայն ժամը 19:30-ի սահմաններում
Այս մասին ՀՀ մարդու իրավունքների պաշտպանն ահազանգեր է ստացել նշված գյուղերից, և դրանք ստուգմամբ հաստատվել են: Անգամ Մարդու իրավունքների պաշտպանի աշխատակազմ գյուղերի բնակիչների ահազանգերի ընթացքում լսվել են կրակոցներ:
Կրակոցները գյուղերում եղել են պարզ լսելի: Առավել ուժգին լսելի են եղել Կութ և Վերին Շորժա գյուղերի արոտավայրերում (սարատեղիներ):
ՀՀ գյուղերի անմիջական հարևանությամբ ադրբեջանական կրակոցները հանցավոր բնույթի են, իրական վտանգ են ՀՀ քաղաքացիական բնակիչների կյանքի, ֆիզիկական անվտանգության, խաղաղ կյանքի և այլ կենսական իրավունքների համար:
Ակնհայտ է, որ ադրբեջանական կրակոցները, ՀՀ սահմանային բնակիչների կենդանիների գողությունները սոցիալական, այդ թվում` կենսական վնասներ են հասցնում ՀՀ սահմանային բնակչությանը: Պետք է հաշվի առնել նաև ՀՀ քաղաքացիական բնակիչներին` հովիվներին զենքի ցուցադրումով տրվող սպառնալիքները, հովիվներին քաշքշելը, խփելը, հայհոյանքը և այլն:
Սյս բոլոր դեպքերը հաստատվել են Մարդու իրավունքների պաշտպանի հավաքած ապացույցներով:
Ադրբեջանական այսօրվա կրակոցների փաստը հաստատել է նաև ՀՀ ՊՆ-ն: Դրանք դադարել են միայն ՀՀ զինված ուժերի կրակից հետո:
Այս ամենը տեղի է ունենում այն պայմաններում, որ ադրբեջանական զինված ծառայողները 2021թ. մայիսի 12-ից սկսած կեղծ քարտեզների վկայակոչմամբ ապօրինաբար ներխուժել են ՀՀ ինքնիշխան տարածք` Գեղարքունիքի և Սյունիքի կողմից:
Նշված արարքները պետք է դիտարկել միասնական հանցավոր դիտավորության մեջ:
ՀՀ բնակչության իրավունքների պաշտպանությունը ադրբեջանական զինված ուժերի հանցավոր արարքներից բացարձակ հրատապությամբ պահանջում է անվտանգության գոտու առկայություն:
Այսօրվա միջադեպը ևս ակնհայտ ցույց է տալիս, որ ադրբեջանական զինված ուժերը խաթարում են մարդկանց ֆիզիկական ու հոգեկան անվտանգությունը և խաղաղությունը վերականգնելու հեռանկարները:
Ծանուցում` սարատեղի անվանում են այն վայրերը, որտեղ սեզոնային՝ գարնան, ամռան և աշնան ամիսներին բնակվում են քաղաքացիական բնակիչներ (նաև ընտանիքներով) և արոտավայրում արածեցնում իրենց մանր ու խոշոր եղջերավոր կենդանիներին»:

Այլ հոդվածներ
Բռնցքամարտիկ ժորժիկ Մարությանը տեխնիկական նոկաուտով հաղթել է ադրբեջանցուն
Բռնցքամարտիկ ժորժիկ Մարությանը տեխնիկական նոկաուտով հաղթել է ադրբեջանցուն
Հայկ Մարությանի կարգադրությամբ՝ Արցախյան պատերազմի զոհերի հիշատակին նվիրված անտառապուրակ հիմնելու նպատակով աշխատանքային խումբ է ձևավորվել
Հայկ Մարությանի կարգադրությամբ՝ Արցախյան պատերազմի զոհերի հիշատակին նվիրված անտառապուրակ հիմնելու նպատակով աշխատանքային խումբ է ձևավորվել
Ունենք ահազանգ, որ ընտրակաշառքը տրվում է կուսակցություններից մեկի քվեաթերթիկը դուրս բերելու դիմաց. Արթուր Սաքունց
Ունենք ահազանգ, որ ընտրակաշառքը տրվում է կուսակցություններից մեկի քվեաթերթիկը դուրս բերելու դիմաց. Արթուր Սաքունց
Արագածոտնի մարզում բախվել են Renault-ը և քարով բարձված ЗИЛ-ը. բժիշկները պայքարում են վիրավորների կյանքի համար
Արագածոտնի մարզում բախվել են Renault-ը և քարով բարձված ЗИЛ-ը. բժիշկները պայքարում են վիրավորների կյանքի համար
Քվեարկության գաղտնիությունը ընտրելու իրավունք ունեցող անձի սահմանադրական իրավունքն է․ դատախազություն
Քվեարկության գաղտնիությունը ընտրելու իրավունք ունեցող անձի սահմանադրական իրավունքն է․ դատախազություն