Տնտեսություն
Ֆինանսների նախարարությունում ռուս փորձագետների մասնակցությամբ քննարկում է տեղի ունեցել
Ֆինանսների նախարարությունում ռուս փորձագետների մասնակցությամբ քննարկում է տեղի ունեցել 20/04/2021 16:14

բեռնափոխադրում

Այսօր ՀՀ ֆինասների նախարարությունում ռուս փորձագետների մասնակցությամբ տեղի է ունեցել վերապատրաստում-քննարկում, որին մասնակցել են ՀՀ ֆինանսների նախարարության բյուջետային գործընթացների կազմակերպման վարչության աշխատակիցները:

Քննարկումը կազմակերպվել է 2017 թվականին Հայաստանի և Ռուսաստանի ֆինանսների նախարարությունների միջև ստորագրված  համաձայնագրի շրջանակներում:

ՀՀ ՖՆ բյուջետային գործընթացների կազմակերպման վարչության պետի պարտականությունները կատարող Ռուզաննա Գաբրիելյանը ողջունել է քննարկման մասնակիցներին և կարևորել նման հնարավորությունը՝ մասնագիտական հմտությունները կատարելագործելու առումով:

Ռուս փորձագետներ Դմիտրի Անդրեևը և Ալեքսանդր Եվիչը առանձին զեկույցներով ներկայացրել են Հայաստանի առողջապահության և կրթության ոլորտում մի քանի ծրագրերի վերաբերյալ իրենց կատարած ուսումնասիրություններն ու տրամադրել գիտամեթոդական և տեխնիկական աջակցություն հանրային ֆինանսների կառավարման ոլորտում:

Բացի այդ, ռուս փորձագետները պատասխանել են Ֆինանսների նախարարության աշխատակիցների բազմաթիվ հարցերի, ծավալվել է մասնագիտական ակտիվ քննարկում:

Նշենք, որ 2017 թվականին Հայաստանի և Ռուսաստանի ֆինանսների նախարարությունների միջև ստորագրված  համաձայնագրի եռամյա գործունեության ընթացքում անցկացվել են ընդհանուր առմամբ 33 միջազգային, 56 կրթական սեմինարներ, որոնցում իրենց հմտություններն են զարգացրել ՀՀ ֆինանսների նախարարության բազմաթիվ աշխատակիցներ:

Համատեղ աշխատանքի արդյունքում մշակվել են ֆինանսատնտեսական ոլորտը կարգավորող օրինագծեր, փոփոխություններ են կատարվել Հարկային օրենսգրքում, բարեփոխումների հայեցակարգ միջազգային հարկահավաքության և թվային տնտեսության ոլորտում և այլն:   

Այլ հոդվածներ
Հեղափոխությունից հետո Խաչատուր Սուքիասյանին պատկանող ընկերությունը խուսափել է 375 հազար դրամ հարկային պարտավորությունից
Հեղափոխությունից հետո Խաչատուր Սուքիասյանին պատկանող ընկերությունը խուսափել է 375 հազար դրամ հարկային պարտավորությունից
Եվս  25,415 մլն եվրո ֆինանսավորում` ենթակառուցվածքների զարգացման նպատակով
Եվս 25,415 մլն եվրո ֆինանսավորում` ենթակառուցվածքների զարգացման նպատակով
Զատիկին ձվի շուկայում առաջացած խնդիները պայմանավորված չեն միայն Լարսում առաջացած խոչընդոտներով․ «Արաքս» թռչնաֆաբրիկա
Զատիկին ձվի շուկայում առաջացած խնդիները պայմանավորված չեն միայն Լարսում առաջացած խոչընդոտներով․ «Արաքս» թռչնաֆաբրիկա
Խստացվել է վերահսկողությունը սեղմված բնական գազի, նավթամթերքի ոլորտներում
Խստացվել է վերահսկողությունը սեղմված բնական գազի, նավթամթերքի ոլորտներում
«ՀՀ կենտրոնական բանկը վերանայել է ՀՀ տնտեսական աճի իր գնահատականը». Արկադի Խաչատրյան
«ՀՀ կենտրոնական բանկը վերանայել է ՀՀ տնտեսական աճի իր գնահատականը». Արկադի Խաչատրյան