Տնտեսություն
Զատիկին ձվի շուկայում առաջացած խնդիները պայմանավորված չեն միայն Լարսում առաջացած խոչընդոտներով․ «Արաքս» թռչնաֆաբրիկա
Զատիկին ձվի շուկայում առաջացած խնդիները պայմանավորված չեն միայն Լարսում առաջացած խոչընդոտներով․ «Արաքս» թռչնաֆաբրիկա 16/04/2021 13:40

բեռնափոխադրում

 Արաքս թռչնաբուծական ֆաբրիկան բաց նամակ է հղել վարչապետ նիկոլ Փաշինյանին։ Դրանում, մասնավորապես, ասվում է․ 

«Մեծարգո պարոն Վարչապետ

​2021թ. ապրիլի 14-ին ՀՀ ազգային ժողովի ամբիոնից՝ ձվի շուկայում առկա խնդիրների վերաբերյալ Ձեր կողմից հնչեցված հայտարարության կապակցությամբ, այն է՝ «տնտեսվարողները պլանավորում են, որ սեզոնին ներքին առաջարկը չի հերիքելու, և ձու պետք է ներկրեն, և ճանապարհին սովորականի նման իրենց պլանավորած ձուն ներկրում էին (…) երեկ ինձ ներկայացրեցին, որ այդ ձուն, որ նախատեսված էր Զատիկին ներկրել Հայաստան, ներկրվել է Զատիկից հետո, Զատիկից երկու-երեք օր հետո», «Արաքս թռչնաֆաբրիկա» ՓԲ ընկերությունը հայտնում է իր խորը մտահոգությունը, քանի որ համապատասխան գերատեսչությունների կողմից Ձեզ ներկայացվել է փաստերը խեղաթյուրող տեղեկատվություն։

​Մասնավորապես՝
1. դեռևս Զատիկից շատ առաջ՝ 2021թ. փետրվարի 12-ին, Ընկերությունը դիմել է պետական մարմիններին հավի սննդային ձվի ներմուծման թույլտվություն ստանալու համար՝ կանխատեսելով, որ 2020թ. անբարեխիղճ մրցակցության հետևանքով ոլոտում առաջացած խնդիրները հանգեցնելու են շուկայում հավի սննդային ձվի դեֆիցիտի:
2. Միաժամանակ 2021թ. փետրվարի 22-ին ՀՀ թռչնաբույծների միությունը՝ ոլորտի որոշ տնտեսվարողների հետ համատեղ գրությամբ, դիմել է ՀՀ էկոնոմիկայի նախարարին, որով հայտնել են Հայաստանի Հանրապետության շուկայում հավի սննդային ձվի դեֆիցիտի և դրա ներմուծման անհրաժեշտության բացակայության մասին՝ վստահեցնելով, որ շուկայում արտադրանքն ամբողջությամբ բավարարում է ներքին պահանջարկը:

3. Այնուհետև 2021թ. մարտի 1-ին Ընկերությունը կրկին անգամ դիմել է հավի սննդային ձվի ներմուծման թույլտվություն ստանալու համար: 2021թ. մարտի 3-ին վերը ներկայացված երկու թույլտվությունների մասով ստացվել է մերժում:
4. Այնուամենայնիվ Ընկերությունը նախաձեռնել է Հայաստանի Հանրապետություն հավի սննդային ձվի ներմուծման գործընթաց, որը, պայմանավորված ավտոճանապարհների անցանելիության հետ կապված խնդիրներով, Հայաստանի Հանրապետություն է հասել և շուկա է մտել միայն 2021թ. ապրիլի երկրորդ տասնօրյակում, սակայն, պետք է արձանագրենք, որ հավի սննդային ձվի ներմուծված քանակությունը հեռու էր ծածկելու շուկայի դեֆիցիտը:

Մեծարգո պարոն Վարչապետ
Վերոգրյալ փաստերը վկայում են այն մասին, որ Զատիկին ձվի շուկայում առաջացած խնդիները պայմանավորված չեն միայն Լարսի անցակետում առաջացած խոչընդոտներով, ինչպես Ձեզ ներկայացվել է մի շարք պետական մարմիննների կողմից։ Ընդհակառակը՝ հավի սննդային ձվի շուկայում խնդիրները նոր չեն, և գալիս են դեռևս 2019թ-ից: Ընկերությունը մտահոգ լինելով ոլորտում առկա խնդիրների կարգավորմամբ, բազմաթիվ անգամներ հանդիպումներ է ունեցել ոլորտը կարգավորող պետական մարմինների հետ, ինչպես նաև գրավոր դիմել է ՀՀ էկոնոմիկայի նախարարությանը՝ որպես կապող օղակ՝ քննարկելու և լուծումներ տալու ոլորտում առկա խնդիրներին, սակայն ՀՀ էկոնոմիկայի նախարարության կողմից այդպես էլ հարցին ընթացք չի տրվել: Իսկ ՀՀ տնտեսական մրցակցության պաշտպանության պետական հանձնաժողովի գործողությունները միտված են ոչ թե ոլորտում առկա մրցակցային խնդիրների կանխարգելմանը, այլ միայն առաջացած խնդիրների արձանագրմանը և տնտեսվարող սուբյեկտների նկատմամբ հաճախ ոչ օբյեկտիվ պատասխանատվության միջոցների կիրառմանը, ինչն էլ հանգեցնում է առաջացած խնդիրների խորացմանն ու ոլորտի շարունակական քայքայմանը:
Ակնկալում ենք Ձեր գործուն աջակցությունը և հանձնարարականը համապատասխան գերատեսչություններին՝ ոլորտում առկա խնդիրների վերաբերյալ հրատապ քննարկումների շարք սկսելու և լուծումներ տալու հարցում:

Հ.Գ. Ձեր ուշադրություն ենք հրավիրում նաև այն հանգամանքին, որ հետպատերազմյան ծանր իրավիճակում կանգնած լինելով հայոց բանակի կողքին՝ առաջնագծում զինվորների արժանապատիվ ծառայության կազմակերպման նպատակով կառուցվել է շարժական կացարան, որը պետք է կրեր շարունակական բնույթ: Կացարանը 2021թ. փետրվարի 17-ին մեր ուժերով տեղափոխվել է համապատասխան վայր, սակայն մինչ օրս ինչ-ինչ պատճառներով չի հանձնվել շահագործման: Այս հարցում ևս ակնկալում ենք Ձեր աջակցությունը:

ՀՀ թռչնաբույծների միության և ոլորտի որոշ տնտեսվարողների հետ համատեղ գրությունը, տեղադրում ենք մեկնաբանությունում»:

Այլ հոդվածներ
Հեղափոխությունից հետո Խաչատուր Սուքիասյանին պատկանող ընկերությունը խուսափել է 375 հազար դրամ հարկային պարտավորությունից
Հեղափոխությունից հետո Խաչատուր Սուքիասյանին պատկանող ընկերությունը խուսափել է 375 հազար դրամ հարկային պարտավորությունից
Եվս  25,415 մլն եվրո ֆինանսավորում` ենթակառուցվածքների զարգացման նպատակով
Եվս 25,415 մլն եվրո ֆինանսավորում` ենթակառուցվածքների զարգացման նպատակով
Ֆինանսների նախարարությունում ռուս փորձագետների մասնակցությամբ քննարկում է տեղի ունեցել
Ֆինանսների նախարարությունում ռուս փորձագետների մասնակցությամբ քննարկում է տեղի ունեցել
Խստացվել է վերահսկողությունը սեղմված բնական գազի, նավթամթերքի ոլորտներում
Խստացվել է վերահսկողությունը սեղմված բնական գազի, նավթամթերքի ոլորտներում
«ՀՀ կենտրոնական բանկը վերանայել է ՀՀ տնտեսական աճի իր գնահատականը». Արկադի Խաչատրյան
«ՀՀ կենտրոնական բանկը վերանայել է ՀՀ տնտեսական աճի իր գնահատականը». Արկադի Խաչատրյան