Առողջապահություն
Հայաստանը Ռուսաստանի կողմից որպես նվիրատվություն ստացավ ևս մեկ շարժական լաբորատորիա
Հայաստանը Ռուսաստանի կողմից որպես նվիրատվություն ստացավ ևս մեկ շարժական լաբորատորիա 21/11/2020 16:40

Հայաստանը Ռուսաստանի կողմից որպես նվիրատվություն ստացավ ևս մեկ շարժական լաբորատորիա

Սպառողների իրավունքների պաշտպանության և  մարդու բարեկեցության ոլորտում վերահսկողության ՌԴ դաշնային ծառայությունը (Ռոսպոտրեբնադզոր) Հայաստանի Հանրապետության առողջապահության նախարարությանը նվիրաբերեց շարժական լաբորատորիա, որը նախատեսված է հատուկ վտանգավոր վարակների հարուցիչների հայտնաբերման նպատակով դասական կենսաբանական, ինչպես նաև ՊՇՌ մեթոդներով հետազոտություններ իրականացնելու համար: «Արմենպրես»-ի փոխանցմամբ՝ Երևանում Հիվանդությունների վերահսկման և կանխարգելման ազգային կենտրոնում լաբորատորիայի բացման արարողությանը ՀՀ առողջապահության նախարար Արսեն Թորոսյանը շեշտեց, որ դժվար է թվարկել ռուս գործընկերների կողմից ցուցաբերվող օգնության բազմաթիվ անգնահատելի գործողությունները, որոնք երկար տարիներ ուղղված են եղել Հայաստանում առողջապահության զարգացմանը: «Հատկապես արժեքավոր է այդ օգնությունը այս օրերին, երբ մեր երկիրը գտնվում է դժվարին իրավիճակում. պայքարը միաժամանակ գնում է երկու ուղղությամբ՝ համաճարակի և ԼՂ-ում ռազմական գործողությունների հետևանքով առաջացած խնդիրների»,-ասաց նախարարը: Թորոսյանը նշեց՝ Ռուսաստանը Հայաստանին ցուցաբերել և ցուցաբերում է օգնություն՝ ինչպես վարակիչ, այնպես էլ ոչ վարակիչ հիվանդությունների բուժման գծով:

Կորոնավիրուսի դեմ պայքարի առաջին օրերից հենց Ռուսաստանն անգնահատելի օգնություն է ցուցաբերում Հայաստանի առողջապահության համակարգին: «Այսօր մենք երախտագիտությամբ ընդունում ենք հերթական կարևոր օգնությունը մեր ռուս գործընկերներից: Մեզ նվիրաբերվել է ևս մեկ շարժական լաբորատորիա, որը մեզ շատ կօգնի պայքարել վարակիչ հիվանդությունների դեմ և կանխել դրանց տարածումը»,-ասաց նա ու շնորհակալություն հայտնեց ռուս գործընկերներին: Սպառողների իրավունքների պաշտպանության և մարդու բարեկեցության ոլորտում վերահսկողության ՌԴ դաշնային ծառայության ղեկավար Աննա Պոպովան ևս շեշտեց, որ հայ գործընկերների հետ հարաբերությունները երկար տարիների պատմություն ունեն: «Մենք ունենք մեկ համաճարակաբանական դպրոց, որը մեզ թույլ է տալիս պայքարել մեծ թվով վարակիչ հիվանդությունների դեմ: Վերջին 5 տարում մենք իրագործում ենք համատեղ ռուս-հայկական 6 տարբեր ծրագրեր»,-ասաց նա: Այս նոր շարժական լաբորատորիան ավելանում է արդեն գործող 5-ին:  «Այն լրացուցիչ հնարավորություն կտա՝ ախտորոշման, կանխարգելման համար՝ ոչ հասարակ հիվանդության համար, որին մենք բոլորս բախվել ենք»,-նշեց Պոպովան:  

Այլ հոդվածներ
Հաստատվել է կորոնավիրուսային հիվանդության 1174 նոր դեպք
Հաստատվել է կորոնավիրուսային հիվանդության 1174 նոր դեպք
Հաստատվել է կորոնավիրուսային հիվանդության 1248 նոր դեպք
Հաստատվել է կորոնավիրուսային հիվանդության 1248 նոր դեպք
Հայաստանում հաստատվել է կորոնավիրուսային հիվանդության 1385 նոր դեպք
Հայաստանում հաստատվել է կորոնավիրուսային հիվանդության 1385 նոր դեպք
Հայաստանում հաստատվել է կորոնավիրուսով վարակվելու 2175, մահվան՝ 28 նոր դեպք․ վարակվածների ընդհանուր թիվը 106424 է, մահվան դեպքերինը՝ 1964
Հայաստանում հաստատվել է կորոնավիրուսով վարակվելու 2175, մահվան՝ 28 նոր դեպք․ վարակվածների ընդհանուր թիվը 106424 է, մահվան դեպքերինը՝ 1964
Հայաստանում հաստատվել է կորոնավիրուսով վարակվելու 2441, մահվան՝ 28 նոր դեպք․ վարակվածների ընդհանուր թիվը 92 254 է, մահվան դեպքերինը՝ 1736
Հայաստանում հաստատվել է կորոնավիրուսով վարակվելու 2441, մահվան՝ 28 նոր դեպք․ վարակվածների ընդհանուր թիվը 92 254 է, մահվան դեպքերինը՝ 1736