Քաղաքականություն
Արմեն Փամբուխչյանն աշխատանքի կանցնի գործադիրում
Արմեն Փամբուխչյանն աշխատանքի կանցնի գործադիրում 17/09/2020 19:55

Արմեն Փամբուխչյանն աշխատանքի կանցնի գործադիրում

ՀՀ ազգային ժողովի «Իմ քայլը» խմբակցության պատգամավոր Արմեն Փամբուխչյանը, ով հրաժարականի մասին դիմում է ներկայացրել, պետական ծառայությունը շարունակելու է գործադիրում: Փամբուխչյանն այս մասին հայտնել է «Ֆեյսբուք»-ի իր էջում:

«Ուզում եմ նշել, որ իմ ցանկությամբ և քաղաքական թիմի համաձայնությամբ պետական ծառայությունս շարունակելու եմ գործադիրում:Արդյունավետ համատեղ աշխատանքի համար ուզում եմ շնորհակալություն հայտնել 7-րդ գումարման Ազգային Ժողովի բոլոր գործընկերներիս։ Բնականաբար առանձնահատուկ շնորհակալություն եմ հայտնում «Իմ քայլը» խմբակցությանն ընդհանուր նպատակների իրականացմանը միտված բովանդակային քննարկումների և կայացված որոշումների համար։ Վստահեցնում եմ, որ խմբակցությունը եղել ու շարունակելու է մնալ հեղափոխության արժեքները կրող, ՀՀ քաղաքացիների և մեր պետականության շահերին ծառայող ուժեղ ինստիտուտ»,-գրել է Փամբուխչյանը:

Նա հատուկ շնորհակալություն է հայտնել բոլոր այն քաղաքացիներին, որոնց հետ այս ընթացքում համագործակցել է, հայցել իրեն դիմած այն քաղաքացիների ներողամտությունը, որոնց բարձրացրած խնդիրների լուծումն ամբողջությամբ ավարտին չի հասցրել:

ԱԺ նախագահ Արարատ Միրզոյանը սեպտեմբերի 17-ին հայտարարություն էր տարածել  Փամբուխչյանի հրաժարականի դիմումի մասին: Ազգային ժողովի կանոնակարգ» սահմանադրական օրենքի 155-րդ հոդվածի 1-ին մասի համաձայն`  Հայաստանի Հանրապետության Ազգային ժողովի պատգամավոր Արմեն Փամբուխչյանը սեպտեմբերի 17-ին հրաժարականի դիմում է ներկայացրել:  «Ազգային ժողովի կանոնակարգ» սահմանադրական օրենքի 155-րդ հոդվածի 2-րդ մասի համաձայն` եթե հրաժարականի հրապարակումից հետո՝ մեկ շաբաթվա ընթացքում, պատգամավորը գրավոր դիմումով հետ է վերցնում հրաժարականի մասին իր դիմումը, ապա Ազգային ժողովի նախագահն այդ մասին հանդես է գալիս հայտարարությամբ, եթե հետ չի վերցնում հրաժարականի մասին իր դիմումը, ապա նրա լիազորությունների դադարման մասին կազմվում է արձանագրություն, որն ստորագրում եւ հրապարակում է Ազգային ժողովի նախագահը: Արձանագրության հրապարակման պահից հրաժարականը համարվում է ընդունված:

Այլ հոդվածներ
Ադրբեջանի՝ մարդկության դեմ ոճիրների և էթնիկ զտումների քաղաքականությունը դատապարտված է ձախողման. ՀՀ ԱԳՆ
Ադրբեջանի՝ մարդկության դեմ ոճիրների և էթնիկ զտումների քաղաքականությունը դատապարտված է ձախողման. ՀՀ ԱԳՆ
ԱԺ-ն երկրորդ ընթերցմամբ և ամբողջությամբ ընդունեց աշխարհազորի ստեղծման օրենսդրական փաթեթը
ԱԺ-ն երկրորդ ընթերցմամբ և ամբողջությամբ ընդունեց աշխարհազորի ստեղծման օրենսդրական փաթեթը
Հայաստանը ՎԶԵԲ-ից 17 մլն եվրո վարկ կվերցնի
Հայաստանը ՎԶԵԲ-ից 17 մլն եվրո վարկ կվերցնի
Գագիկ Ծառուկյանը հայտարարություն է տարածել
Գագիկ Ծառուկյանը հայտարարություն է տարածել
Հայաստանի և Ադրբեջանի ԱԳ նախարարների՝ Փոմփեոյի հետ հանդիպման ժամանակացույցը
Հայաստանի և Ադրբեջանի ԱԳ նախարարների՝ Փոմփեոյի հետ հանդիպման ժամանակացույցը