Իրավունք
Լանջիկ համայնքում սոցիալական աջակցության գումարներ են յուրացվել. հարուցվել է քրեական գործ
Լանջիկ համայնքում սոցիալական աջակցության գումարներ են յուրացվել. հարուցվել է քրեական գործ 04/08/2020 20:00

Լանջիկ համայնքում սոցիալական աջակցության գումարներ են յուրացվել. հարուցվել է քրեական գործ

Շիրակի մարզի դատախազության կողմից մինչդատական քրեական վարույթի օրինականության նկատմամբ իրականացված պատշաճ և ամենօրյա դատախազական հսկողության շրջանակներում ՀՀ ոստիկանության Անիի բաժնում նախապատրաստվող նյութերով տվյալներ են ձեռք բերվել այն մասին, որ Շիրակի մարզի Լանջիկ համայնքի նախկին ղեկավարը, օժտված լինելով տնօրինելու համայնքի բյուջեի միջոցները, ապահովելու դրանց նպատակային օգտագործումը, ստորագրելու ֆինանսական փաստաթղթերը, համայնքի բյուջեից 2013-2017 թվականների ընթացքում ելքագրել է ընդհանուր շուրջ 4․200․000 ՀՀ դրամ գումար՝ գյուղի սոցիալապես անապահով կամ բազմազավակ ընտանիքներին, միայնակ ծերերին՝ ընդհանուր 44 անձի, հատկացնելու համար, սակայն, չի տրամադրել նրանց: Այս մասին տեղեկացրին ՀՀ գլխավոր դատախազության հանրային կապերի բաժնից։

«Շահառուների մի մասը արդեն իսկ համապատասխան հաղորդումներ են ներկայացրել ոստիկանություն և տվել նույնաբովանդակ բացատրություններ այն մասին, որ  ընդհանրապես տեղակ չեն եղել իրենց անվամբ համայնքի բյուջեից գումարների դուրսգրման մասին:

 

Այսինքն նյութերի նախապատրաստմամբ փաստական տվյալներ են ստացվել գումարը նշված ժամանակահատվածում պաշտոնեական դիրքի օգտագործմամբ առերևույթ յուրացնելու մասին։   

Հաշվի առնելով, որ  նախապատրաստված նյութերն առերևույթ պարունակում են ՀՀ քրեական օրենսգրքի 179-րդ հոդվածի 3-րդ մասի 1-ին կետով նախատեսված հանցագործության հատկանիշներ՝ տվյալ նյութերի նկատմամբ հսկողություն իրականացնող Շիրակի մարզի դատախազության դատախազի կողմից որոշում է կայացվել հիշյալ հանցագործության հատկանիշներով քրեական գործ հարուցելու մասին և այն նախաքննություն կատարելու հանձնարարությամբ ուղարկվել է Շիրակի մարզային քննչական վարչություն»,- ասվում է հաղորդագրության մեջ։

Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:   

Այլ հոդվածներ
Ոստիկանությունը՝ Արսեն Բաբայանի գրառման վերաբերյալ
Ոստիկանությունը՝ Արսեն Բաբայանի գրառման վերաբերյալ
Քաղաքացիները զենք-զինամթերք են հանձնում ոստիկանության բաժիններ
Քաղաքացիները զենք-զինամթերք են հանձնում ոստիկանության բաժիններ
Խոշոր չափերի յուրացումներ՝ ՀՖՖ-ում. 2 անձի մեղադրանք է առաջադրվել
Խոշոր չափերի յուրացումներ՝ ՀՖՖ-ում. 2 անձի մեղադրանք է առաջադրվել
«Երեխայի իրավունքների մասին» օրենքի նախագծի կարգավորումները շարունակում են մնալ խնդրահարույց. ՀՔԱՎ
«Երեխայի իրավունքների մասին» օրենքի նախագծի կարգավորումները շարունակում են մնալ խնդրահարույց. ՀՔԱՎ
ՄԻՊ զեկույցը՝ հայ սպայի իրավունքների խախտումների վերաբերյալ
ՄԻՊ զեկույցը՝ հայ սպայի իրավունքների խախտումների վերաբերյալ