Իրավունք
Աբրահամ Մանուկյանն ու նրա դեմ ցուցմունք տված անձն առերեսվել են․ պաշտպան
Աբրահամ Մանուկյանն ու նրա դեմ ցուցմունք տված անձն առերեսվել են․ պաշտպան 27/06/2020 20:18

Ընտրակաշառքի գործով նախկին պատգամավոր Աբրահամ Մանուկյանին առաջադրվախ մեղադրանքը հիմնված է մեկ անձի ցուցմունքի վրա, ում հետ նախօրեին առերեսում է տեղի ունեցել։ Այս մասին տեղեկացնում է Մանուկյանի պաշտպան Հրանտ Անանյանը ֆեյսբուքյան իր գրառմամբ։

«Քիչ առաջ, 10 օրյա քննարկումից հետո, Երևան քաղաքի ընդհանուր իրավասության դատարանի դատավոր Կ.Ֆարխոյանը որոշում կայացրեց բավարարել ԱԱԾ միջնորդությունը Աբրահամ Մանուկյանին կալանավորելու մասին:Որոշումը որակում եմ որպես ակնհայտ անհիմն և անօրինական, նույնիսկ տեղին է անվանել «խայտառակ», մասնագիտական շրջանակներին «հայտնի» դատավոր Կ.Ֆարխոյանը կատարեց իր մշտական առաքելությունը ԱԱԾ-ի հանդեպ, կալանավորեց մարդու երեք տարի 4 ամիս վաղեմության միջին ծանրության ենթադրյալ հանցանքի մեղադրանքով, որի շրջանակներում բոլոր քննչական գործողությունները ըստ էության ավարտվել են, այդ գործողություններին միջամտելու վտանգներ այլևս չկան, հունիսի 14-ից պատշաճ ներկայացել է քննությանը: Դրա հետ պետք է նշել, որ մեղադրանքը հիմնված է մեկ անձի ցուցմունքի վրա,ով երեկ տեղի ունեցած առերեսման ընթացքում հաստատել է պարոն Մանուկյանի պնդումները,ինչը առոչինչ է դարձնում հիմավոր կասկածը: Ուշագրավ է, որ Ֆարխոյանը բացարկման ենթակա անձ էր, իրավունք չուներ քննել միջնորդությունը, սույն գործի մայր գործով հարազատ եղբայրը մեղադրյալ է,որը գտնվում է նախաքնության փուլում ԱԱԾ-ի վարույթում, ինչը կաշկանդելու է նրան ԱԱԾ «սրտով չգնալը»: Կան այլ փաստարկներ ևս որոշման անօրինական լինելու համար: Որոշումը պաշտպանական թիմը բողոքարկելու է ՀՀ վերաքննիչ դատարան հենց երկուշաբթի օրը»,- գրել է նա։

Ավելի վաղ հայտնել էինք, որ դատարանի որոշմամբ Աբրահամ Մանուկյանը կալանավորվել է։

Մանուկյանին մեղադրանք է առաջադրվել ՀՀ ՔՕ 38-154.2 հոդվածի 2-րդ մասով (կուսակցություններից կամ թեկնածուներից որեւէ մեկի օգտին կողմ կամ դեմ քվեարկելու կամ ընտրություններին մասնակցելուց հրաժարվելու կամ մեկից ավելի անգամ քվեարկելու համար ընտրողին անձամբ կամ միջնորդի միջոցով կաշառք տալուն օժանդակելը):

Նշենք, որ նշված գործով մեղադրյալ կարգավիճակ ունի նաեւ ԲՀԿ առաջնորդ Գագիկ Ծառուկյանը։ Առաջին ատյանի դատարանը մերժել էր Ծառուկյանին կալանավորելու միջնորդությունը։

Այլ հոդվածներ
Նորաշենի նախկին ղեկավարը մեղադրվում է 4.3 մլն դրամ հափշտակելու մեջ
Նորաշենի նախկին ղեկավարը մեղադրվում է 4.3 մլն դրամ հափշտակելու մեջ
Արտակարգ դրության պայմաններում հավաքների ազատության սահմանափակումը չի կարող լինել բացարձակ. ՄԻՊ
Արտակարգ դրության պայմաններում հավաքների ազատության սահմանափակումը չի կարող լինել բացարձակ. ՄԻՊ
Ոստիկանները բերման ենթարկեցին ընդդեմ Ամուլսարի շահագործմանն ակցիա իրականացնող քաղաքացուն
Ոստիկանները բերման ենթարկեցին ընդդեմ Ամուլսարի շահագործմանն ակցիա իրականացնող քաղաքացուն
ՀՔԾ-ն՝ Ռոբերտ Նազարյանի ձերբակալության մասին
ՀՔԾ-ն՝ Ռոբերտ Նազարյանի ձերբակալության մասին
Լանջիկ համայնքում սոցիալական աջակցության գումարներ են յուրացվել. հարուցվել է քրեական գործ
Լանջիկ համայնքում սոցիալական աջակցության գումարներ են յուրացվել. հարուցվել է քրեական գործ